अमिया झरे निराधार

टेर

अमिया झरे निराधार,
धार पर संत रमे,
किने केऊ मनड़ा री बात,
संत कोई सांभले…

पकड़ चम्पा री डाल,
सुहागन क्यूं खड़ी,
कई थारो पीयो परदेश,
काई थारी सासु लड़ी…
पियाजी सिधाया सतलोक,
संदेशों लिया खड़ी,
चालियो जा मुरख गिवार,
तुझे मेरी क्या पड़ी…
दोय दोय दिवला संजोय,
पिलंग पर पोडती,
पिया बिना सुनी लागे सेज,
नेन भर रोवती…
धरण गगन के बीच,
भवे दोय पंखिया,
गुरु मिलना रो जोग,
फरूखे डावी अंखिया…
मान सरोवर तीर,
हंस आया पांवणा,
कह गया साहिब कबीर,
भंवर नहीं आवणा…