दुनियादारी अवगुण गारी

टेर

दुनियादारी अवगुण गारी, जाने भेद मती दीजेरे
हेली हारी निर्भय रहीजे रे

• हो इन काय में अस्ट कमल है -२ ज्याणे नीगे कराइज रे
  हेली मारी। ..... दुनिया। …. || १ ||

• सत संगत में बैठ सुहाग सच कमाइजे रे
  हेली मारी। ..... दुनिया। …. || २ ||

• तन में गरीबी मन में फकीरी दया राखिजे रे
  हेली मारी। ..... दुनिया। …. || ३ ||

• ज्ञान जरोखे बैठ सुहागन झाला दीजेरे
  हेली मारी। ..... दुनिया। …. || ४ ||

• त्रिवेणी घर तीन पदमणी इने बतलाईजे रे
  हेली मारी। ..... दुनिया। …. || ५ ||

• सत्य बाण पर बैठ सुहागन सीधी आईजे रे
  हेली मारी। ..... दुनिया। …. || ६ ||

• हरी चरण में शीश झुकाईजे गुरु वचनों में रहीजे रे
  हेली मारी। ..... दुनिया। …. || ७ ||