ओ मारा हरनिर्मोया रे सावरा

टेर

ओ मारा हरनिर्मोया रे सावरा, जाय बडियो परदेश
मारा कृष्ण क़ानूड़ा रे काना जाय बसियो परदेश

• आवन जावन कह गयो रे कर गया कोल अनेक
  गिणता गिणता घिस गई रे मारी लाल अंगुलिया रे रेख || १ ||

• सावरा ने ढूंढन में गई रे कर जोगण रो वेश रे
  ढूंढत ढूँढत हार गई रे आया है धवळा केस मारा। … || २ ||

• कायण रो कागद करू रे काहेरी कलम दवात सांवरिया
  कायण री स्याही करू रे गुण लिखण ने जाय मारा। … || ३ ||

• धरती रो कागज़ करू रे कलम करू वनराय सांवरिया
  सात समंदर री स्याही करू रे हरिगुण लिखिया जाय || ४ ||

• मोहिनी सूरत माधोरी मूरत घुघर वाला केश सांवरिया
  ओ मीरा ने सांवरियो मिलियो कर नटवर रो वेश मारा। .. || ५ ||