कदी कदी सींग गाडरा

टेर

कदी कदी सींग गाडरा सु सींग हार जावे
समय को भरोसो कोणी कद पलटी मार जावे

• अरे गुरु वशिष्ठ महा मुनि ज्याकी लिख लिख बात बतावे ग्यानी
  श्री राम जंगल में जावे किस्मत पलटी खावे
  अरे राजा दशरथ प्राण त्याग दे कदी हाथ लगानी पावे || १ ||

• अरे राजा हरिश्चंद्र राणी तारामती रोहिदास कबीर कहावे
  अरे ऐसो खेल रचियो मारा दाता तीनो बिकण जावे
  एक हरिजन एक मगवर एक पूजागर जावे || २ ||

• राजा की बेटी पदमा कहलावे मोर लार परणावे
  मोर जाय जंगल में मर गया किस्मत पलटी खावे
  मेर भई सिवजी की ऐसी मोर को मर्द बनावे || ३ ||

• राजा भर्तरि राणी पिंगळा मेहला में सुख पावे
  अरे सिकार खेलवा राजा भरतरी जंगल माय जावे
  अरे गोरखनाथ गुरु ऐसा मिलिया राजा जोगी बन जावे || ४ ||

• अरे गुरु कहे ममता की वाणी अमरत रस बरसावे
  मारो मनड़ो कोणी माने फिर फिर गोता खावे || ५ ||