बेटा श्रवण पाणीड़ो

टेर

बेटा श्रवण पाणीड़ो पिलाय वन में बैठा प्यास
हो लाला पाणीड़ो पिलाय वन में बैठा प्यास

• आला लीला बॉस कटाइया कावड़ लिनी बनाय
  मात पिता ने माय बिठाया तीरथ करवा ने ले जाय || १ ||

• ना कोई है कुआ बावड़ी ना कोई समन्द तलाव
  तब सरवन ने मन में सोची, का जल पाऊ मारी में || २ ||

• ऊंच नीच कदम के ऊपर बगुला उड़ उड़ जाय
  जब सरवन ने मन पे धारी अब जल पाउ मारी माँ || ३ ||

• ले जा रे अब सरवन चालियो गया सरवर रे पास
  जाए नीर ने जकोरियो रे दशरथ मारियो सकती बाड || ४ ||

• दशरथ वा से चालियो रे आयो सरवन रे पास
  हे विधाता क्या कर डाला, मारियो अनजान बाण || ५ ||

• मरतो सरवण बोलियो रे सुणो मामा मारी बात
  आंधा हे मारा मात पिता जी, वाने पाणीड़ो पिलाय || ६ ||

• ले जारी अब दशरथ चालियो गया कावड़ रे पास
  ठंडो जल भर लाइयो जारी, अब पियो मारी माय || ७ ||

• ना सरवन की बोली कहिये ना सरवन की चाल
  मात पिता तो शरग सिधारिया, दशरथ ने दियो है सराप || ८ ||