स्वर्ग लोक से गीता आई

टेर

स्वर्ग लोक से गीता आई छोटी बहु गीता बाचेओ राम

• हिरता ने फिरता सासुजी बोलिया बेटा थारी बहु गीता वाचे ओ राम
  थेई ओ माताजी थो रो जनम सुधारो पराई निंदरा मति करो ओ राम || १ ||

• हिरता ने फिरता भाभीजी बोलिया देवर थोरी बहु गीता बाचे ओ राम
  थोई ओ भाभीजी थोरो जनम सुधारो, सुधारो पराई निंदरा मति करो ओ राम || २ ||

• हिरता ने फिरता बाईसा बोलिया वीरा थारी बहु गीता बाचे ओ राम
  थोई ओ बाईसा थारो जनम सुधारो, सुधारो पराई निंदरा मति ओ राम || ३ ||

• पेलो पायो सासुजी पकड़ियो बहुअड माने काई केता जावो ओ राम
  थेई ओ सासुजी मारे घर रा मालिक बैठा हुकम चला ओ राम || ४ ||

• दूजो पायो भाभीसा पकड़ियो देराणी माने काई केता जावो ओ राम
  थेई ओ भाभीसा मारे रसोड़ा रा मालिक बैठा बैठा लूंदा जीमो ओ राम || ५ ||

• तीजो पायो बाईसा पकड़ियो भाभस माने काई केता जावो ओ राम
  थेई ओ बाईसा थारे सासरे पधारो राखडी पूनम ने बेगा आईजो ओ राम || ६ ||

• चोथो पायो पड़ोसन पकड़ियो बहुअण माने काई ओ राम
  थेई ओ पड़ोसन मारे ओटेरे मालिक थो री मारी करता रहीजो हो राम || ७ ||