एक बार आवोजी मैयाजी मारे पावणा

टेर

एक बार आवोजी मैयाजी मारे पावणा
बार बार आवोजी मैयाजी मारे पावणा
थारी घडी करुला मनुहार पधारो म्हारे आंगनिये

• भजन सुनाकर म्हे तो थाने मनावा
  नाच कूद म्हे तो थाने रिझावा
  थे तो सिंह पर चढ़ कर आओ पधारो || १ ||

• चांदी की चौकी पर थाने बितास्या
  गंगाजल सु स्नान करस्या
  ठाणे चूंदड़ ओढावा में तो लाल, पधारो। .. || २ ||

• रोली मोली चावल म्हे तो मेहंदी लगावा
  थारो फूला सु सजावा दरबार, पधारो। .. || ३ ||

• पेड़ा नारियल रो भोग लगावा
  छप्पन भोग म्हे थाने जिमावा
  थे तो रुच रुच जीमो मैया आज, पधारो। … || ४ ||

• बारस री में रात जगावा तेरस रो में होम करावा
  तेरस तो में धोक लगावा, भक्त करे है पुकार, पधारो। … || ५ ||