आज मारो मोहन मुरली वालो रे

टेर

आज मारो मोहन मुरली वालो रे
आज मारो श्याम सुन्दर नखरालो रे
ऊबो जमुना रे तीर ऊबो जमुना रे तीर

• तू जमना तू बावरी रे निर्मल थारो नीर
  ए पनियारिया पानी भरे रे ओडण दिखणी रो चीर
  आज माने घडो उंचावता जावो रे ऊबो जमना रे तीर || १ ||

• इत गोकुल उत मथुरा नगरी बीच में जमना भरी
  आप सावरिया पार उतरिया में रह गई अद बीच
  आज में तो झाला दे दे हारी रे ऊबो जमना रे तीर || २ ||

• अस्सी काली रो घाघरो रे कुर्ती बूटेदार
  पांच मोहर रो तेवटो रे नाथड़ी झलके दार
  आज मारे चुड़ले रे चूंक दिरावो रे ऊबो जमना रे तीर || ३ ||

• तन सीरो मन लापसी रे नैना घी री धार
  पुरसँ वाली राधिका रे जीमो कृष्ण मुरारी
  आज मनवार कर कर हारी रे ऊबो जमना रे तीर || ४ ||

• में ठाणे सावरा यू केयो रे बरसाने मत जाय
  बरसाने री गुजरी ठाणे राखेला बिलमाय
  आज में तो ओलु कर कर हारी रे ऊबो जमना रे तीर || ५ ||

• शिखर गढ़ ऊंचो रे मोसु चढियो न जाय
  केईजो मारा श्याम ने माने गोदिया कर ले जाय
  आज में तो पाली किस विध चालु रे आज म्हारो मोहन || ६ ||

• छोटो छोटो मत कर राधा मत कर छोटी बात
  छोटो दूज रो चन्द्रमा रे दुनिया जोड़े हाथ
  आज में तो दर्शन कर कर हारी रे ऊबो जमना रे तीर || ७ ||

• कड़ी कदम ऋ दाल नीचे राधा आशा राख
  बाई मीरा के प्रभु गिरधर नागर आखिर जाट अहीर
  आज में तो चरण कमल बलिहारी ऊबो जमना रे तीर || ८ ||