सतगुरु सा प्रेम प्यालो

टेर

सतगुरु सा माने प्रेम प्यालो पायो रे
म्हाने कर मनवार रे, दयालु म्हाने प्रेम प्यालो पायो रे

• असंग जुगा रो सुतो म्हारो हंसलो
  इन सुतोडा ने आय जगायो रे। दयालु म्हाने … || १ ||

• कुटुंब कबीलो सारो जग झूठो
  म्हारा ग्यानी गुरु बंधन छुड़ायो रे। दयालु म्हाने … || २ ||

• अड़सठ तीर्थ म्हारे गुरु चरणों में
  मैं तो भागवत री गंगा में नहायो रे। दयालु म्हाने। … || ३ ||

• आऊँ नहीं जाऊँ नहीं, मरुँ नहीं जन्मु
  म्हाने अमरापुर रो मार्गयो बतायो रे। दयालु म्हाने। … || ४ ||

• देव नाथ गुरु पूरा मिलिया
  ओ तो राजा मान यश गायो रे। दयालु म्हाने। … || ५ ||