हाँ रे आनंद आयो रे

टेर

हाँ रे आनंद आयो रे सतगुरूसा माने आय जगायो रे

• धिन - धिन थारा मात - पिता ने जग हितकारी जायो रे
  कुटुंब कबीला ने तारण तांई जग में आयो रे || १ ||

• कुल कीरति रो थम्ब थापियो कुल में नाम कमायो रे
  सत्संग री लक्ष्मी रो लावो भक़्त लुटायो रे || २ ||

• धिन - धिन भाग गुरु घर आया मैं तो शरण सुख पायो रे
  पाप रो पंछी फड़ - फड़ करते धुजट धायो रे || ३ ||

• चैन री बंशी रा सुर सुनने संधा सुरग कियो रे
  दास दरस मैं काली पड़गी, मुख मुर्झायो रे || ४ ||

• गोकुल रो गोपालो मरुधर में, बाबो बनने छायो रे
  रामदेव रा पर्चा रो थे, रस बरसायो रे || ५ ||

• सत्गुरूसा री सीख सम्भालो, राम रतन धन पायो रे
  जो नर प्रीतिनिती सु चाले, माय समायो रे || ६ ||

• खोटी लावे खोटी खावे, लूटपाट धन लायो रे
  वो नर नरका जावतो, गोता खावे रे || ७ ||

• सत्गुरूसा रा दरसण मन में ब्रह्म ज्ञान उपजायो रे
  ब्रह्म रा दरसण पायके, मद मोह मिटायो रे || ८ ||

• हाथ जोड़ कर विनती, मुक्ति रा मार्ग बताओ रे
  भक़्त मंडल गुरु थारे शरणा में, पर्चो पायो रे || ९ ||