आच्छी पाई ओ गुरूसा

टेर

आछी पाई ओ गुरूसा माने ज्ञान गुटकी
ज्ञान गुटकी ओ शब्दों री गुटकी

• राम नाम री वाणी में तो पेला ही गिटकी
  सतगुरु हाथ धरियो सिर ऊपर चिंता ही मिटगी || १ ||

• अनंत जन्म री भूल भ्रमता भव - भव है भटकी
  अब तो वृति अंदर लागी बाहिर सु हटकी || २ ||

• लख चौरासी पापो री में भरली रे मटकी
  सतगुरु देव दया के दाता मटकी ही पटकी || ३ ||

• राम दास गुरु पूरा मिल्या दिवी सेन सातकी
  सिमरथ राम गुरु कृपा से चौरासी काटगी || ४ ||