सतगुरु मिलता जाइयो
टेर
सतगुरु मिलता जाईयो जी की धिन गुरु मिलता जाइजो जी
मारे पिहरिया ऋ बाता थोड़ी मने कहते जाइजो जी
-
सतगुरु आप पांवणा रे काईं रे करू मनवार
अलके से पलके फिरू रे दूध पियाऊं पाल || १ || -
सोने जेडी पिली पड़ी ने दुनिया बतावे रोग
रोग दोष मारे कुछ नहीं व्यापे गुरु रे मिलान रा कोड || २ || -
मारे पिहरिया रो लोग थैला है परे कंठी माला
मीरा बाई रा भाई रे भतीजा राणा जी रा साला || ३ || -
मारे भाबे मने बींद बतायो पकड़ बताई बाय
आप वेद म्हारे घरे पधारो मारो चित भजन रे माय || ४ || -
सासरियो संसार त्यागियो पीयर प्यारो लागे
बाई मीरा ने गिरधर मिल्या चरण कमल लिपटाय || ५ ||