गुरूसा कद तो आवेला

टेर

गुरूसा कद तो आवोला मारे देश में दयालु
मैं तो ऊबी ऊबी जोवा भारी बाट गुरूसा

• गुरूसा उगने आथूणु बाजे बायरो - २
  अठे मोटोणी छतारो बरसे मेरा दयालु || १ ||

• गुरूसा ऊंचा चुड़ाउ मिन्दर मालिया - २
  थारे घुमणने राखु मोटो चौक गुरूसा कद। …. || २ ||

• गुरूसा बाग़ लगायो थारे कारणे कारणे - २
  थोड़ो घुमण ने मिस आवो दयालु कद। …. || ३ ||

• गुरूसा ऊंडा खुदाउ कूआ बावड़ी - २
  थारे नावड़ ने राखु मोटो होद दयालु कद। … || ४ ||

• गुरूसा आपरे कारडीये गऊ बादली - २
  थाने मिश्री रो दूध पिलाओ गुरूसा कद। … || ५ ||

• गुरूसा भगत मंडल री आई विनती - २
  मारो अबकोड़ो जनम सुधारो गुरूसा कद। …. || ६ ||