गुरुदेव म्हारी नैया पार लगाओ

टेर

गुरुदेव म्हारी नैया पार लगाओ हो महाराज

• सतगुरु आया पांवणा दूधा बरसे मेह
  गुरुदेव धोरा दूधा चरण पखारू हो महाराज || १ ||

• तन के रो सीरो करू मन रो घालु घी
  गुरुदेव थे तो रुच रुच भोग लगाओ हो महाराज || २ ||

• गोकुल चमके बिजली मथुरा बरसे मेह
  गुरुदेव थोरो प्रेम दुशालों भींजे हो महाराज || ३ ||

• कोई जावे द्वारका कोई बदरीनाथ
  गुरुदेव में तो आपरो शरणो लियो हो महाराज || ४ ||

• कोई उवारे हीरा मोती कोई उवारे प्राण
  गुरुदेव में तो तन मन धन सब वारु हो महाराज || ५ ||

• बाई मीरा री विनती सुणजो सर जन हार
  गुरुदेव म्हारी आवागमन मिटाओ हो महाराज || ६ ||