माने गुरूसा मिलवा

टेर

माने गुरूसा मिलवा को लागो कोढ उम्मेदी गहरी लाग रही

• मोहे उम्मेदी ऐसी लागि निरधनियाँ धन होय
  बाँझ नार पुत्र बिन तरसे, मैं तरसु गुरु ज्ञान ||१ ||

• सतगुरु मारा सायर है, रे मैं गालिया रो नीर
  एक बूँद सागर मैं मिलगी, कंचन भयो रे शरीर || २ ||

• जग रूठे तो रूठन दे मारा सतगुरु रूठे नांहि
  जो म्हारा सतगुरु सन्मुख वे तो म्हाने मिलावे राम || ३ ||

• जहाज पड़ी दरियाव मेरे अध्वीच गोता खाय
  जै म्हारा सतगुरु खेवटिया रे, कर देला भव जल पार || ४ ||

• गुरु गहरा गुरु भाव रे, गुरु देव रा देव
  धार्मिदास ने सतगुरु मिलिया, पायो है केवल ज्ञान || ५ ||