गणनायक महाराज को प्रथम करा

टेर

गणनायक महाराज को प्रथम करा आह्वान
म्हारा कारज सफल बनादो थारो ऊँचो धाम

• शिवयोगी का पुत्र लाडला, पार्वती का प्यारा हो
  एकदन्त गजवंदन विनायक, सब देवों से न्यारा हो
  आजाओ ढूंढ ढुंढ़ाला म्हे करा थारो गुणगान
  गणनायक महाराज को प्रथम करा आह्वान || १ ||

• ऋषि मुनि और देवी देवता करे बड़ाई थारी जी
  रिद्धि सिद्धि शुभ लाभ के डाता थे सबका हितकारी जी
  सब शुभ काम में देवा होवे थारो सम्मान
  गणनायक महाराज को प्रथम करा आह्वान || २ ||

• थाने प्रथम मनाय करां हां, म्हे कीर्तन को शुभ आरम्भ
  देरी मतना करो दयालु अब आजाओ थे अविलम्ब
  संग देवी देवता लाइजो थारी सबसे है पहचान
  गणनायक महाराज को प्रथम करा आह्वान || ३ ||

• भक्त मंडली का सब टाबरिया, हर्ष हर्ष गुण गावे है
  सखियाँ भी भगतां के सागे जय जयकार लगावे है
  कीर्तन में रंग जमाओ, मानोला म्हे एहसान
  गणनायक महाराज को प्रथम करा आह्वान || ४ ||