आज म्हारे आंगनिये में

टेर

आज म्हारे आंगनिये में गौरी पुत्र आया जी
गौरी पुत्र आया ही भागता रे मनडे भाया जी

• कमर तगड़ी पगा पैंजनी हाथ झुंझुनियों लाया जी
  नैना में काजलियो थारे माथे चाँद मण्डाया जी || १ ||

• चौकी पर सिंहासन जापर सुन्दर वस्त्र बिछाया जी
  चरण धोय चरणामृत लियो शिव नंदन बैठाया जी || २ ||

• पहन जरी को झबलो रेशम फूल गुंथाया जी
  ठुमक ठुमक पग धरे गजानन बोले है तुतलाया जी || ३ ||

• अक्षत चन्दन धुप दीप कर, पुष्प हार पहनाया जी
  भोग लगावण एक थाल भर, लडुडा मंगवाया जी || ४ ||

• लाडू देख विनायक जी को, मनड़ो घणो ललचायो जी
  उठा उठा कर खावे गणपत, रूचि रूचि भोग लगाया जी || ५ ||

• देख छटा श्री गणपति जी की, मन मेरो हरसायो जी
  नजर न लागे लम्बोदर के, राय लूण कराया जी || ६ ||

• विघ्न निवारण मंगल करण, रिद्धि सिद्धि संग में लाया जी
  सखी मंडल श्री गणपति जी का, प्रेम से लाड लड़ाया जी || ७ ||