हाथ जोड़ के अरज करू में मावड़ी

टेर

हाथ जोड़ के अरज करू मैं मावड़ी
चामुंडा महारानी मारी आज तिरादे नावडी

• भव सागर रो पार नहीं है पवन अकोला खावे है
  डूबत मारी आज नावडी तुम बिन कौन तिरावे है
  आव आव तू अम्बे बेगी आवरी आवरी || १ ||

• तू है लक्ष्मी तू ही गौरी तू ही आरासुर वाली ऐ
  तू ही महाकाली तू महा ज्वाला तू ही पावागढ़ वाली ऐ
  तीन लोक में जागे थारी जोतड़ी ओ जोतड़ी || २ ||

• छल सु सिहं ने वश में कियो है ऊपर की असवारी ऐ
  बल सु मारियो दैत्य मावड़ी मोती थारी बलिहारी ऐ
  थारी माया रो नहीं पायो में पार जी ओ पार जी || ३ ||

• नवरात्रि में नव दुर्गा ने जो कोई ध्यावे है
  रक्षा करती रहे भवानी बेड़ो पार लगावे है
  मोहन निस दिन धरे तिहारो ध्यान रे ध्यान रे || ४ ||