चौसठ जोगनी ऐ देवरिये राम जाय

टेर

पालनहारिणी ऐ म्हारे आंगणिये राम जाय
घूमरघालणी ऐ म्हारे मन्दिरिये राम जाय
हंस असवारी कर म्हारी मैया ब्रह्मा रो रूप बणायो

• ब्रह्मा रो रूप बणायो भवानी, ब्रह्मा रो रूप बणायो
  चार वेद थारे मुख में साजे, चारा रो यश गायो रे || १ ||

• गरूड़ असवारी कर म्हारी मैया, विष्णु रो रूप बणायो
  शंख चक्र और गदा बिराजे, मधुबन बीन बजायो रे || २ ||

• बैल असवारी कर म्हारी मैया, शिवजी रो रूप बणायो
  जाता मुकुट में गंगा बिराजे, शेष नाग लिपटायो रे || ३ ||

• सिंह असवारी कर म्हारी मैया, शक्ति रो रूप बणायो
  सियाराम थारी करे स्तुति, भक्त मण्डल यश गायो रे || ४ ||