चम् चम् चमके चुंदड़ी

टेर

चम चम चमके चुंदड़ी महाराणी रे महाराणी रे
थे कर सोलह सिंगार अम्बे राणी रे

• थारे माथे में मेमंद सोवणो महाराणी रे
  थारी रखड़ी रतन जड़ाऊ अम्बे राणी रे || १ ||

• थारे कानो में कुण्डल सोवड़ो महाराणी रे
  थारे झूमर रतन जड़ाऊ अम्बे राणी रे || २ ||

• थारे हिवड़े में हांसली सोवड़ी महाराणी रे
  थे तेवटो रतन जड़ाऊ अम्बे राणी रे || ३ ||

• थारे बहियाँ में घुड़लो सोवणो महाराणी रे
  थे गजरा रतन जड़ाऊ अम्बे राणी रे || ४ ||

• थारे घेर घुमेरो घाघरो महाराणी रे
  थारे ओडन दखड़ी रो चीर अम्बे राणी || ५ ||

• थारे पगां में पायल बाजणी महाराणी रे
  थारी बिछिया दखड़ी रो चीर अम्बे राणी रे || ६ ||

• थारे लचपच रान्धू लापसी महाराणी रे
  थारे चढ़े चढ़े लिलोड़ा नारेल अम्बे राणी रे || ७ ||

• महिला मंडल री विनती महाराणी रे
  थारे शरणे आयोडा ने सोरा राख अम्बे राणी रे || ८ ||