घुंघरू छम छमा छम बाजे रे

टेर

घुंघरू छम छमा छम बाजे रे
निज मंदिर रे मायने आ मीरा नाचे रे

• मीरा गढ़ सु उतरी रे राणा जी पकड्यो हाथ
  हाथ थे मारो छोड़ दो राणा मुख सु करलो बात || १ ||

• मीरा नाचे मेड़ते में सखियाँ मंदिर माय
  मीरा बजावे घूघरा ने सखियाँ बजावे ताल || २ ||

• विष रो प्यालो राणा जी भेज्यो दिया मीरा ने जाय
  कर चरणामृत पी गई रे सहाय करि रघुनाथ || ३ ||

• सर्प पिटारा राणो जी भेज्यो दीजो मीरा ने जाय
  पकड़ गला में पेरियो रे बन गया नवलाख हार || ४ ||

• बाई मीरा ऋ विनती थे सुणजो सिरजनहार
  शरण आयो ऋ लज्जा राखजो चारभुजा रा नाथ || ५ ||