अपने मोहन की मीरा बनी रे

टेर

अपने मोहन की मीरा बनी रे जोगणिया
आवो नई पधारो म्हारा रे सांवरिया
ओ नटवर नागरिया मीरा बानी रे जोगणिया

• मनडे रो मोर थारा दर्शन खातिर तरसे है
  आँख प्यारा आसुडा सावन ज्यू बरसे है
  तप तप पलको सु नैन भरिया हो काना नैन भरिया || १ ||

• घर रा तो लोग म्हाने बावली बतावे है
  संग री सहेलिया महा पे आंगली उठावे है
  हंसी उड़ावे नैना टाबरिया || २ ||

• सुख सारा छोडिया मैं मोहन थारे कारणे
  भगवा वेश धारिया आई थारे बारणे
  छोडिया पिहरिया अने छोडिया सासरिया || ३ ||

• चाहे जितने दुःख देले चाहे ज्यू परखले
  एक बात म्हारी तू कान खोल सुण ले
  तू मोहन मैं तेरी जोगणिया || ४ ||