सुगणा रे उभी डागलिये

टेर

सुगणा रे ऊभी डागलिये नैणा में ढलके नीर -२
लेवण आवो वीर रामदेव थे हो जग में पीर -२

• आवण - जावण कह गया रे आई रे सावणिया री तीज -२
  दर्शन प्यासी सुगणा बाई होवे है आधीन रे || १ ||

• बारहे वर्षा सु पीवर सांरु लाग रही अडीक रे
  अजमल जी रा कँवर लाडला नैना ऐ बरसे नीर रे || २ ||

• राखडी पूनम री बीरा जग में अमर रीत रे
  रीत निभानी पड़सी थाने आय बँधावो धीर रे || ३ ||

• रामदेव जी रो ब्याव रच्यो मेणा दे रे मन में प्रीत रे
  लाछा बाई आई रे म्हारी सुगणा क्यों नहीं आई रे || ४ ||

• आया रुणिचे सुगणा बाई लाया है महावीर रे
  अन्यायी रो नाश होयो जद वे न्यायी री जीत रे || ५ ||