म्हणे घोड़लियो मंगवाय

:::noteदोहा बालपणा में रामदेवजी मन में एक विचारी
मनडे भायो घोड़लो में चढ़ने करू सवारी :::

टेर

म्हणे घोड़लियो मँगवाय मारी माँ मने घोड़लियो मँगवाय
घोड़े चढ़ ने घुमण जासु घोड़लियो मँगवाय मारी माँ

• बालपणा में रामदेवजी हाथ कीनो हद भारी जी
  कैसो हठ कीनो रे बालक सोच रही मान थारी जी
  कीकर इणने मैं समझाऊ लाग रही मन में चिंता || १ ||

• मैणादे सुगणा रे साथे दरजी ने बुलवायो
  रामदेव रे खातिर कपड़े रो घोड़ो बणवायो
  दरजी मन में लालच कीनो भीतर बोध भरायो || २ ||

• रंग रंगीलो नेनो घोड़ो बालक रे मन में भायो
  लीनी हाथ लगाम रामजी मन ही मन मुस्कावे
  एड़ी लगाई घोड़लिये रे रामदेव आकाश उड़ाया || ३ ||

• जादू रो घोड़लियो मारे दरजी घड़ ने लायो
  माता पिता मन में घबरावे दरजी कैद करायो
  दरजी विनती करवा लागो रामदेव जी कष्ट हराय || ४ ||

• दरजी ने पर्चो दिखलायो रामदेव अवतारी
  दास अशोक सुनावे बाबा सुणलो अरज मारी
  हिवड़ा में संतोष दिरावो राम रूणिचा रा धणिया || ५ ||