रुणिचे रा धणिया

टेर

रुणिचे रा धणिया द्वारका रा नाथ ओ सुगना रा वीर बाबा मैणादे रा लाल

• थाने बीकाणो ध्यावे बाबाजी थाने जोधाणो ध्यावे
  थाने पुरो मारवाड़ गुजरात बाबाजी थारा ही गुण गावे
  चारो खान गूंजे बाबा थारी जय जय कार
  हो सुगणा। … || १ ||

• दी अँधियाँ ने आंखियाँ, कोडिया रो कोड मिटायो है
  और जात पात रो भेद रामसा पीर मिटायो है
  बाबा थारी महिमा रो पायो नहीं पार है
  हो सुगणा। … || २ ||

• थाने निर्धन ध्यावे है तो मालामाल कमावे है
  और रोगी ध्यावे है तो बाबो रोग मिटावे है
  सखी मंडल थारी चरणा री दास है
  हो सुगना। …. || ३ ||