बाजरे की रोटी खाले श्याम

टेर

बाजरे की रोटी खा ले श्याम,
चूरमा ने भूल जावेगा, के चूरमा ने भूल जावेगा

• जाटणी के हाथ की बड़ी रे कमाल की,
  साथ लाया हांडी बाबा कढ़ी और दाल की,
  गुड़ लागे मीठा मीठा मेरे श्याम, के चूरमा ने भूल जावेगा || १ ||

• बाजरा ऐसा है बाबा ठण्ड नहीं लागे,
  दस बीस कोस बाबा खाके तू भागे,
  गोड़ीया में आएगी तेरे जान के चूरमा ने भूल जावेगा || २ ||

• बाजरे की रोटी साथ छाछ का सबङ्का,
  खा के मारो ला बाबा मूछ के मरोड़का,
  फेर करो थोड़ा सा आराम के चूरमा ने भूल जावेगा || ३ ||

• बनवारी रोट ऐसा ढूंढता रेवेगा,
  हरियाणे में पता मारा पूछता रेवेगा,
  पूछता रेवेगा मारा नाम के चूरमा ने भूल जावेगा || ४ ||