खड़ी गोपियाँ पूछे

टेर

खड़ी गोपियाँ पूछे राधा एकली
जाटोडा सावरिया माने छाने छाने देखली

• किसे नगर सु आयो रे सांवरा किसे नगर थे जावोला
  नन्द बाबा रा कंवर लाडला साची बात बतावेला || १ ||

• गढ़ गोकुल सु आयो रे गोपियाँ मथुरा नगरी जावेला
  मामा कंस ने मार ने भूमि रो भार उतारोला || २ ||

• कई तुम्हारो नाम सावरा कई तुम्हारी जातड़ली
  मात जसोदा रा कंवर लाडला कथे गमाई साड़ी रातड़ली
  कृष्ण कन्हैया नाम हमारो जाती मारी यदुराई
  वृन्दावन में रास रचायो उठे गमाई साड़ी रातड़ली || ३ ||

• नवलख धेनु बाबा नन्द घर दूजे माखन री कोई कमी नहीं
  चोर चोर ने माखन खायो आ कई पड़ गई आडतड़ी
  थारो माखन खातों ऐ जशोदा माने खिलाई साकरड़ी
  गोपिया रो माखन मीठो पूर्व जनम री प्रीतड़ली || ४ ||

• चंद्र सखी ब्रिज बालकृष्ण छवि हरख निरख गुण गावेला
  नन्द बाबा री कृपा वे तो सन्मुख दर्शन पावोला
  दाऊलाल री कृपा वे तो सन्मुख दरशन पावोला || ५ ||