भजन हेली सतगुरु की

टेर

हेली म्हारे आयोडा संतारा लीजो वारणा ए
हेली म्हारे आयोडा दाता रा लीजो वारणा ए
ज्यासूं बढे पिया रो मान मान म्हारी हेली ए

• हेली म्हारी नुगरा मानस री संगत ना करो ए
  ज्यासूं घटे पिया रो मान मान म्हारी हेली ए || १ ||

• हेली म्हारी सुगरा मानस री संगत भले करो ए
  ज्यासूं बढे पिया रो मान मान म्हारी हेली ए || २ ||

• हेली म्हारे ऊँचा दिराऊ गुरूसा रे बैसणा ए
  ज्यारे लुल लुल लागू पाँव पाँव म्हारी हेली ए || ३ ||

• हेली म्हारे ऊँचा तो पेड़ खजूर रा ए
  ज्यांरी जड़ा पियाला माय माय म्हारी हेली ए || ४ ||

• हेली म्हारी कुए री छाया कुए मायने ए
  ज्यांरो ठंडो निर्मल नीर नीर म्हारी हेली ए || ५ ||

• हेली म्हारी बाई रे रूपा ने पर्चो हरी दियो
  ज्यारों लोगो थाली में बाग़ बाग़ म्हारी हेली ए || ६ ||