थारी चुनडली रो चटको दिन चार

टेर

थारी चुनडली रो चटको दिन चार ,
पुराणी पड़सी चुनडली।

• आख्या सु सूझे नहीं रे ,
  सुणे नहीं दोनु कान।
  दांत बतीसी बाहर आ गई ,
  बिगड़ी चुनडली री शान।
  थारी चुनडली रो चटको दिन चार ,
  पुराणी पड़सी चुनडली। टेर। …

• सळ पड़िया शरीर में रे ,
  अब तो भज भगवान।
  रंग गुलाबी उड़ गयो रे ,
  बिगड़ी चुनडली री शान।
  थारी चुनडली रो चटको दिन चार ,
  पुराणी पड़सी चुनडली। टेर। …

• सुध बुध भूल्यो शरीर री रे ,
  थोड़ो भावे धान।
  डगमग डगमग नाड चाले ,
  क्यों तू भूल्यो भगवान।
  थारी चुनडली रो चटको दिन चार ,
  पुराणी पड़सी चुनडली। टेर। …

• खाले पीले और खर्च ले ,
  कर चुनड़ी रो मान।
  प्रतापगिरि यु कहे बंदा ,
  लागे गुरूजी रो ज्ञान।
  थारी चुनडली रो चटको दिन चार ,
  पुराणी पड़सी चुनडली। टेर। …