लागा रे बाण मारे सबद गुरा रा

टेर

लागा रे बाण मारे सबद गुरा रा
केण सतगुरु रा।

• परणी नार पिया गम जाणे ,
  काई जाणे रे कवारी बाता।
  बिना विवेक वा फिरे भटकती ,
  इन कारण खावे है लाता।
  लागा रे बाण। ….

• पतिव्रता नार भाई भुजवंती ,
  काई जाणे रे पीवजी री बाता।
  सतगुरु मिलिया भरम सब भागा ,
  भूल गई कुबदा री बाता।
  लागा रे बाण। ….

• धरा आसमान सब बिक जावे ,
  सुख जावे समंदर सारा।
  में मारा पीव जी ने कदे नी भूलू ,
  पावे पलक ने दिन राता।
  लागा रे बाण। ….

• प्रेम पोल में मारा सतगुरु पोडिया ,
  मिलने री लग रही आसा।
  गुरु प्रताप रवि दास जी बोले ,
  तार में तार मिलाय दाता।
  लागा रे बाण। ….

• लागा रे बाण मारे सबद गुरा रा ,
  केण सतगुरु रा।
  घायल वे ज्यारी ये बाता। २।